Elbasan, 4 qershor, NOA - Rreth 2 mijë cigare të markave të ndryshme janë sekuestruar sot në një dyqan në Elbasan nga Sektorit Kundër Krimit Ekonomik-Financiar.
Policia ka bërë të mundur edhe arrestimin e pronarit të dyqanit, Fatos Gani Myftari, 55 vjeç.
Paketat e kontrabanduara sipas policisë kanë ardhur nga Greqia me destinacion tregun vendas.
Bëhet fjalë për paketa cigaresh të llojeve të ndryshme si “Trokadero”, “Malboro”, “Karelia”, “Slims”.
Aksioni i policisë, i koduar me emrin “Trokadero”, është bërë mesditën e sotme në lagjen “Aqif Pasha”, të qytetit të Elbasanit.
m.xh/NOA
