Shkup, 5 qershor, NOA - Administrata amerikane synojë zgjidhjen e kontestit të emrit dhe ruajtjen e stabilitetit të Maqedonisë, duke dhënë si afat të ri muajin nëntor.
Ky afat përkon dhe me organizimin e Samitit të NATO-s. Përkushtimi i Bashkimit Evropian duket i dështuar në Maqedoni. Diplomacia amerikane pas Samitit të Këshillit të Evropës, të caktuar për në 16 dhe 17 qershor, do të udhëheq misionin për zgjidhjen e kontestit të emrit me Greqinë, me qëllim të marrjes nën kontroll të situatës së përgjithshme të sigurisë, për shkak të brishtësisë së këtij vendi.
Ndihmësekretari amerikan i shtetit Filip Gordon do të udhëheq axhendën amerikane dhe se ai pritet të realizojë një “shatell diplomaci”, vajtje-ardhje nga Uashingtoni për në Shkup dhe Athinë.
Diplomati i ri amerikan por me një karrierë inteligjente njihet në kuluaret e Uashingtonit si një politikan dhe zyrtar këmbëngulës, i cili nuk heqë dorë nga synimet dhe pretendimet në arritjen e misioneve të tij diplomatike.
Lidhur me këto zhvillime, edhe ambasadori amerikan në Shkup, Filip Riker tashmë disa javë ka ngelur jashtë debatit të gjerë, lidhur me Samitin e KE-së të 17 qershorit, kur ishte premtuar dhënia e datës për fillimin e negociatave për anëtarësim të Maqedonisë në BE.
m.xh/NOA/INA
