Berlin - Policia Shkatërron Një Grup Kriminal Që Kishte Përfituar Mbi 100 Milionë Euro Nga Mashtrimet
BERLIN, 8 qershor /ATSH-MIA/ - Policia gjermane shkatërroi një grup kriminal, anëtarët e të cilit përmes mashtrimeve të ndryshme kishin përfituar mbi 100 milionë euro.
Në aksionin policor u arrestuan 11 persona të dyshuar nga 20- 60 vjeç. Ata janë arrestuar në disa qytete gjermane gjatë kontrollit të rreth 110 banesave dhe kazinove.
Grupi ka përfituar mbi 100 milionë euro përmes mashtrimeve tatimore dhe mashtrimeve me aparatet për lojërat e fatit.
Ky grup kriminal ka vepruar në qytetin gjerman të Esenit./
a.jor.
