Erdogan Akuzon Izraelin Për Shkelje Të Së Drejtës Ndërkombëtare
STAMBOLL, 8 qershor /ATSH-MIA/ - Kryeministri turk, Recep Taip Erdogan deklaroi dje në mbrëmje në Stamboll se sulmi i komandove izraelite ndaj karvanit humanitar prej gjashtë anijesh, që transportonin ndihma për Ripin e Gazës, paraqet shkelje të së drejtës ndërkombëtare dhe vlerave njerëzore.
Ai i bëri thirrje Izraelit të pranonte hetim ndërkombëtar për rastin.
Duke theksuar se pas sulmit, në të cilin u vranë nëntë aktivistë turq, marrëdhëniet mes Turqisë dhe Izraelit asnjëherë nuk do jenë më të njëjta, Erdogan fajësoi Izraelin për krime lufte.
Erdogan theksoi edhe se bllokada izraelite për Ripin e Gazës duhej të ndërpritej urgjentisht.
"Është koha të hiqet embargoja kundër Gazës. Nuk dëshirojmë më që në botë të ketë një burg të tillë të hapur", tha Erdogan./
a.jor.
