Ksera: Sindikatat Rol Thelbësor Në Proceset Më Të Rëndësishme Për Vendin
TIRANE, 8 Qershor/ATSH/.-Dialogu dhe partneriteti social mbetet një faktur i rëndësishëm në zhvillimin ekonomiko-social të vendit, tha sot Ministri i Punës, Spiro Ksera, në Konferencën e studimeve europiane "Autonomia dhe përgjegjësia: roli i institucioneve arsimore dhe aktorëve socialë", të zhvilluar në Tiranë..
Në këtë aktivitet, të organizuar nga Universiteti "Zoja e Këshillit të Mirë", në bashkëpunim me Universitetin italian "LUMSA", Romë, Ksera prezantoi funksionimin e dialogut social në Shqipëri.
Sipas ministrit në vendin tonë gjatë këtyre viteve të fundit, "nëpërmjet angazhimit kemi mundur të zhvillojmë dhe përmirësojmë me tej sistemin e dialogut social dhe të forcojmë më tepër marrëdhëniet e bashkëpunimit të ndërsjelltë dhe të partneritetit social".
Ai vlerësoi se forcimi i këtij dialogu me sindikatat garanton një zhvillim të qëndrueshëm ekonomik, përmirësimin e nivelit të jetesës dhe kryerjes me sukses të reformave standarte në plotësim të kërkesave për intergrimin euro-atlantik të vendit./e.gj//a.gj/
