Brazil, 11 Qershor NOA - Në Brazil, policia zbuloi se një peshkatar 54-vjeçar, Jose Pereira Agostinho, ka mbajtur në sekret vajzën e tij për 12 vjet, duke e përdhunuar në mënyrë të vazhdueshme dhe duke pasur shtatë fëmijë të saj.
Por tmerri nuk përfundon këtu. Njeriu pervers është akuzuar gjithashtu për abuzim dhe ndaj mbesës dhe vajzës së tij. Dhuna u zhvillua në një ishull të izoluar në shtetin e Maranhao. Vajza e “përbindëshit”, tani 28 vjeçare është mbajtur e burgosur në një barakë e cila ndodhej në një zonë shumë të paarritshme në xhungël, në të cilën shkohet vetëm me kanoe.
Dhuna, sipas hetuesit të cilët zbuluan historinë e tmerrshme, filloi në 1998 kur gruaja e Pereira Agostinho u largua nga shtëpia, duke e lënë vetëm burrin e saj. Për dymbëdhjetë vjet ky njeri ka përdhunuar rregullisht vajzën e tij. Nga raportet e përsëritura të incestit kanë lindur shtatë fëmijë, tre djem e katër vajza. Fëmijët të cilët variojnë nga mosha 2 muaj deri në 12 vjeç, u gjetën nga policia, ku të gjithë ishin të kequshqyer e në gjendje të keqe fizike dhe mendore. Asnjë prej tyre nuk ka dalë nga vendi ku jetoni, nuk mund të lexojnë dhe kanë vështirësi të madhe për të komunikuar ndërmjet tyre, apo me të tjerët. Një nga vajzat - mbesa, sipas inspektorit Jair Lima de Paiva, ishte gjithashtu objekt i vëmendjeve seksuale nga babai dhe gjyshi i saj. Një histori varfërie, margjinalizimi dhe dhune nga e cila Jose Pereira Agostinho u arrestua, por ende nuk është raportuar zyrtarisht.r.b/NOA
