Turqi - Tre Ushtarë Humbin Jetën Nga Rrëzimi I Një Helikopteri Në Tokat
ANKARA, 13 qershor /ATSH-AFP/ - Tre ushtarë turq, dy prej tyre pilotë, mbetën të vdekur kur helikopteri i tyre u rrëzua në veri të Turqisë, njoftuan sot autoritetet lokale.
Në bilancin paraardhës të aksidentit të bërë publik nga televizionet flitej për të paktën pesë ushtarakë të vdekur.
Guvernatori i Tokatit, provinca ku ndodhi aksidenti shkaku i të cilit ende nuk dihet, deklaroi se numri i viktimave arrinte në tre, në një njoftim të publikuar në faqen zyrtare të internetit.
"Nuk ka të mbijetuar nga aksidenti sipas informacioneve që disponojmë", kishte deklaruar më parë guvernatori i Tokatit, Serif Yilmaz, i cili citohej nga agjencia zyrtare e lajmeve Anadolli./
/i.p/
