Durrës, 11 Qershor, NOA – E ka kanosur për jetën, edhe duke e sharë apo ofenduar, e në kushte të tilla një grua ka marrë rrugën drejt policisë për të denoncuar bashkëshortin e saj.
Fjala është për 62-vjeçarin me inicialet Q.Sh., lindur në Lushnjë dhe banues në Durrës, i cili mësohet se ka ushtruar dhunë ndaj gruas së tij me inicialet B.Sh., 56-vjeçe, lindur në Kavajë dhe banuese në qytetin e Durrësit.
Procedimi penal ndaj tij filloi bazuar në kallëzimin e bërë në polici nga bashkëshortja, e cila deklaron se i shoqi e ka kanosur për jetën, sharë e ofendur duke shkelur kështu vendimin penal të datës 09.06.2010 te Gjykates së Rrethit Durres, i cili përcakton lëshimin e Urdhrit të Menjëhershëm të Mbrojtjes ndaj saj.
Materialet për veprën penale të pengimit të ekzekutimit të vendimeve të gjykatës iu kaluan për ndjekje prokurorisë së Durrësit.
n.e/NOA
