Durrës, 11 Qershor, NOA – Falë një kërkimi intensiv të forcave të policisë së Durrësit, ditën e sotme është bërë e mundur gjetja e dy personave të shpallur në kërkim si të larguar nga shtëpia dje prej familjarëve të tyre.
Kështu, i pari rezulton të jetë gjetur 31-vjeçari Ardjan Ismailaj, banues në Shijak, zhdukja e të cilit ishte denoncuar pranë organeve të policisë, nga mbesa e tij me inicialet E.E.
Ndërsa personi i dytë i gjendur sot është 16-vjeçari Ermir Shulli, banues në qytetin e Durrësit, për të cilin denoncimi mbi zhdukjen është bërë prej babait të tij.
Materialet proceduriale lidhur me dy rastet në fjalë iu kaluan për ndjekje prokurorisë së Durrësit, e cila do të hetojë mbi arsyet e vërteta të zhdukjes së këtyre dy personave.
n.e/NOA
