Sarande: Afro 300 Turistë Perëndimorë Vizitojnë Qytetin Turistik
SARANDË, 11 Qershor/ATSH-Telnis Skuqi/ - Afro 300 turistë perëndimorë mbërritën sot në qytet me një kroçerë greke me kapacitet 500 vende.
Burime nga Kapiteneria e portit të Sarandës bënë të ditur për ATSH-në, :se kroçera "Pena 2", vinte nga Korfuzi (Greqi) dhe turistët kishin në axhendën e tyre dhe një vizitë në Sarandë".
Vizita e këtij grupi është organizuar nga agjencia turistike "Shkëndija Travel".
Gjatë qëndrimit në Sarandë turistët e huaj vizituan qytetin antik të Butrintit dhe pikën turistike të Syrit të Kaltër.
Numri i turistëve të huaj ditorë që prekin brigjet e Sarandës ka ardhur duke u rritur nga dita në ditë me fillimin e sezonit turistik.
Që nga 22 marsi, kur trageti "Artemisa" preku brigjet e Jonit, numri i turistëve deri tani ka arritur mbi 10 mijë vetë./s.s./
