Vatikan - Papa Kërkon Falje Për Skandalet E Pedofilisë
VATIKAN, 11 qershor /ATSH-AFP/ - Papa Benedikti XVI kërkoi për herë të parë hapur falje për skandalet e pedofilisë në radhët e Kishës katolike duke përmendur veçanërisht abuzimin ndaj të miturve, gjatë një meshe të mbajtur sot në sheshin Shën-Pjetër përpara rreth 15 000 priftërinjve.
Ai premtoi gjithashtu se Kisha "do të bëjë gjithçka që është e mundur që abuzimet seksuale me të mitur nga njerëz të Kishës të mos ndodhin më kurrë".
Ai e celebroi këtë meshë me rastin e mbylljes së vitit saqerdotal, të njollosur nga publikimi në masë i skandaleve të pedofilisë në radhët e priftërinve në Evropë dhe në Amerikë.
"Ka ndodhur që, pikërisht gjatë këtij viti gëzimi për meshën e vitit priftëror, janë zbuluar mëkatet e priftërinjve, sidomos abuzimet me të mitur", deklaroi Papa.
"I kërkojmë me këmbëngulje falje Zotit dhe personave të prekur, ndërkohë që dëgjojmë të premtohet se do të bëhet gjithçka që është e mundur që abuzime të tilla të mos ndodhin më kurrë", shtoi Benedikti XVI.
Ai "premtoi" se Kisha do të bëjë gjithçka që është e mundur për të shqyrtuar me vëmendje vërtetësinë e prirjes së priftërinjve të ardhshëm dhe më tej do të shoqërohen priftërinjtë në rrugën e tyre, që Zoti t'i mbrojë në situata të vështira dhe përballë rreziqeve të jetës".
"Këto skandale sjellin si detyrë pastrimin e shprtit", u shpreh ai.
/I.Pu.
