Virxhinia, 11 Qershor, NOA – Në Gjirin e Meksikës mund të jetë derdhur më shumë se dyfishi i naftës së llogaritur më pare nga kompania British Petroleum, ku thuhet se 12.000 deri në 19.000 fuçi nafte derdheshin çdo ditë.
Një fakt të tillë e ka pohuar shefja e Agjencisë Amerikane Gjeologjike, Marcia McNutt, sipas të cilës, mbi 40 mijë fuçi nafte mund të jenë derdhur në ditë nga pusi i marrë me qira nga gjigandi energjetik britanik, BP.
Ndërkohë, kryrtarja e Dhomës së Përfaqësuesve të Kongresit amerikan, Nancy Pelosi, akuzoi kompaninë British Petroleum për mungesë integriteti dhe tha se ajo kompani duhet të kompensojë viktimat e katastrofës përpara se të shpërblejë pronarët e aksioneve të saj.
Nga ana e tij, presidenti amerikan Barak Obama u takua dje me ligjvënësit kryesor amerikanë për të diskutuar situatën në Gjirin e Meksikës, duke pohuar se ekziston një mbështetje e gjerë dy-partiake për ndryshimin e ligjit aktual për parandalim më efikas dhe më të mirë të katastrofave të tilla.
n.e/NOA
