Pretoria, 13 qershor, NOA - Mesfushori, Gennaro Gatuso, ka deklaruar se pas përfundimit të Botërorit do të largohet nga kombëtarja e Italisë. Në këtë mënyrë mesfushori italian ka menduar që të dalë në pension duke e mbyllur karrierën me “Afrikë e Jugut 2010”.
"Po mbush 33 vjet dhe duke u bazuar në pozitën që luaj nuk është korrekte të jem në ekip para lojtarëve më të rinj dhe që kanë më shumë energji", ka deklaruar ai.
Por, Gatuso nuk ka menduar të largohet nga futbolli përfundimisht.
“Pasi të dal në pension, ëndrra ime është që të shkoj në një kampionat botëror tjetër, por kësaj here si trajner", ka thënë ai.
Gatuso është futbollisti i dytë i Italisë që ka bërë të ditur largimin nga kombëtarja pas Botërorit. Më parë largimin e ka paralajmëruar kapiteni i italianëve, Fabio Cannavaro.
m.xh/NOA/AFP
