Afrikë e Jugut, 15 Qershor NOA - Barazimi pa gola i cili u arrit nga përfaqësuesja e Francës në ndeshjen me Urugain nuk ka lënë të kënaqur as ish lojtarin e francezëve Zinedine Zidane.
“Nuk u pa një ndeshje skuadre por, thjesht aksione me iniciativë nga lojtarë të veçantë. Franca duhet të stërvitet më shumë në lojën në grup”, - këto ishin fjalët e Zidane i cili ka kritikuar lojën e drejtuar nga tekniku Domenech.
Ai gjithashtu i ka bërë thirrje teknikut francez të lërë mënjanë egon e tij dhe të punojë sa më shumë me skuadrën.
“Nuk dëshiroj të shoh një ndeshje tjetër si ajo me Urugain”, - përfundoi Zidane.
r.b/NOA
