Tiranë, 14 Qershor 2010 NOA - Ditën e sotme nga Sektori Operacioneve Speciale dhe Kërkimit pranë Drejtorisë së Policisë së Qarkut Tiranë u kap i shumë i kërkuari Gëzim Nazif Tomani, 46 vjeç, lindur e banues në Tiranë.
Ky shtetas ishte person i shpallur në kërkim me vendim të formës së prerë nga Gjykata e Shkallës së Parë Tiranë i datës 01.04.2010 e cila e ka dënuar me 10 – vjet burgim, për veprën penale të “Mashtrimit më shumë se një herë”, parashikuar nga 100/2 i Kodit Penal.
I kërkuari, akuzohet se ka mashtruar disa herë dy shtetas, duke i marrë një shumë të konsiderueshme parash e cila varion në 75 mijë dollarë, me motivacion e një kontrate huamarrëse dhe huadhënëse, me qëllim kthimin e parave me përqindje që varionte nga (2 % deri në 3%).
Gëzim Tomani, për të siguruar kthimin e shumave të parave të konsiderueshme brenda afateve të çdo muaji, të dy shtetasve të dëmtuar, kishte lënë si garanci pasurore pasuri të luajtshme.
Kapja e tij u realizua gjatë ditës së sotme në Laprakë Tiranë. Policia e Tieranës, i tha agjencisë NOA se u ekzekutua vendimi i Gjykatës në ngarkim të tij.
r.n/NOA
