Uashington, 14 Qershor, NOA – Në një kohë kur Roja Bregdetare i kishte lënë vetëm 48 orë kohë kompanisë britanike “British Petrolium” për të ndaluar rrjedhjen e naftës në det, presidenti amerikan Barak Obama shkon sot për herë të katërtën herë në rajonin e Gjirit të Meksikës, për të parë nga afër gjendjen.
Sipas të dhënave nga stafi i tij, Obama do të vizitojë tre shtete të prekura nga katastrofa e rrjedhës së naftës atje.
Ndërsa tre herët e mëparshme ai ka vizituar vetëm Luizianën, vizita e presidentit amerikan sot do të jetë e përqendruar në Misisipi, Alabama dhe Florida.
Bëhet me dije ndër të tjera se ditën e nesërme, presidenti Obama do t’i drejtohet vendit nga Shtëpia e Bardhë, për të përshkruar planin e tij në ndihmë të rimëkëmbjes së zonave të prekura.
Ndërsa një ditë më pas thuhet se ai do të takohet me zyrtarët e lartë të kompanisë “British Petrolium” dhe do t’u kërkojë atyre të krijojnë një numër llogarie speciale për të paguar pretendimet për dëmtime nga individët dhe kompanitë e prekura nga kriza.
n.e/NOA
