Kejptaun, 15 Qershor, NOA – Nuk e ka fshehur aspak gëzimin dhe lavdinë mbrëmjen e djeshme, kapiteni i përfaqësueses italiane, De Rossi, pas golit të shënuar prej tij që e shpëtoi Italinë nga një turp i mundshëm nëse do të rrihej nga Paraguaji.
“Të gjithë e dinë se unë nuk luaj kurrë për veten, po për skuadrën dhe ky është sekreti i lojës sime, Por nuk mund ta fsheh gjithsesi gëzimin, se mirë që isha unë që shënova”, tha De Rossi për mediat italiane.
Goli i tij ishte vendimtar dje në ndeshjen mes Italisë dhe Paraguajit e cila përfundoi me rezultatin 1-1.
Ky barazim do t’i mbajë këto dy përfaqësuese në krye të grupit F, para takimit ndërmjet Zelandës së Re dhe Sllovakisë, që zhvillohet të martën.
n.e/NOA
