Prishtinë, 15 qershor, NOA - Nga data 16 deri më 18 qershor do të ndërmerret një stërvitje e madhe e forcave të KFOR-it në gjithë territorin e Kosovës, duke përfshirë kufijtë dhe vijat kufitare.
Të gjitha grupet shumëkombëshe nën komandën e KFOR-it do të jenë pjesë e skenarit të trajnimit operativ, thuhet në deklaratën e Komandës Kryesore të KFOR-it.
Ky ushtrim është pjesë e një cikli të trajnimeve, që ka për qëllim të ngrejë gatishmërinë e KFOR-it dhe aftësitë e tij për të reaguar ndaj çfarëdo situate.
“Ushtrimet nuk organizohen si përgjigje apo përgatitje për ndonjë situatë që po ndodh apo që pritet të ndodhë në Kosovë”, thuhet në deklaratë.
NOA/RFE
