Tiranë, 15 Qershor, NOA - Me fillimin e sezonit veror 2010, policia e kryeqytetit publikon marrjen e një sërë masash në kuadrin e ruajtjes së rendit dhe qetësisë publike në zonat e dendura me pushues.
Kështu, burime pranë saj raportojnë për agjencinë e Lajmeve NOA se këto masa parashikojnë parandalimin e veprimtarisë kriminale dhe rritjen e sigurisë në vendet e pushimit; atë të parandalimit të aksidenteve automobilistike dhe rritjen e sigurisë në rrugë, mbajtjen nën kontroll të personave me precedentë policore dhe kapjen e personave të kërkuar nga policia etj.
Ndërkaq, policia bën me dije se është hartuar plani i masave “Për parandalimin e ngjarjeve kriminale, garantimin e rendit dhe sigurisë në plazhe dhe rritjen e sigurisë në rrugë gjatë sezonit turistik veror 2010”.
Në fund, burimet policore janë marrë masa për mbulimin e akseve rrugore Kamëz-Tiranë, Rinas-Tiranë, Tiranë-Ndroq-Plepa, Tiranë-Vorë-Durrës, Tiranë-Krrabë, Tiranë-Dajt dhe në akset rrugore të rrethit të Kavajës, me shërbime të policisë rrugore dhe ato të policisë së rendit, gjatë ditëve të javës dhe sidomos në ditët e shtuna dhe të diela, duke kryer dhe shërbime suplementare policie.
n.e/NOA
