Iran - Ahmadinexhad: Sërish Në Negociata Vetëm Pasi T'Ju Ndëshkojmë
TEHERAN, 16 qershor /ATSH-ANSA/ - Irani është dakord të rikthehet në tavolinën e negociatave për çështjen bërthamore, "por më parë do të vendosë kushte për të ndëshkuar dhe për t'i bërë që të pendohen fuqitë e mëdha që aprovuan sanksione kundër Teheranit", deklaroi sot presidenti iranian Mahmud Ahmadinexhad gjatë një fjalimi publik të transmetuar nga televizioni shtetëror.
Gjatë fjalimit, Ahmadinexhad nuk kurseu as kritikat e tij për qeverinë e SHBA-së. "Represioni më i dhunshëm politik është në Shtetet e Bashkuara. Shtypi nuk mund të shkruajë për krimet e regjimit sionist, njerëzit nuk janë të lirë të manifestojnë kundër politikanëve dhe shumë njerëz jetojnë në mizerie ndërkohë që të tjerë pasurohen duke bastisur të mirat e kombit", deklaroi Ahmadinexhad.
Presidenti iranian shtoi se "ndër objektivat e kombit iranian tashmë është edhe ajo për të shpëtuar popullin amerikan nga qeveria e tij represive".
/e.v/
