Kriza - Franca Mund Të Rrisë Moshën E Daljes Në Pension Me Dy Vjet
ROMË, 16 qershor /ATSH-ANSA/ - Francezët duhet të punojnë dy vjet më shumë para se të dalin në pension dhe personat me të ardhura të mëdha duhet të paguajnë më shumë kontribute. Janë këto pikat kryesore të planit të reformës që u paraqit sot nga qeveria franceze. Në bazë të reformës, që sipas disave do të përballet me një rezistencë të fortë nga ana e sindikatave, mosha minimale për të dalë në pension do të rritet gradualisht nga 60 vjeç në 62 vjeç në vitin 2018, njoftoi ministri i Punës, Eric Woerth, sipas të cilit "të punosh më gjatë është e pashmangshme. "Të gjithë partnerët tanë evropianë e kanë bërë dhe ne nuk mund ta evitojmë", deklaroi ministri.
/e.v/
