Tiranë, 16 qershor, NOA - Tirana ka pasur orare të reja kufizimi të energjisë elektrike në orët e para të mëngjesit të sotëm. Sipas njoftimit të Operatorit të Sistemit të Transmetimit, e cila duhet të stakojë linjat për shkak sigurie, sot në orët e para të mëngjesit, 05.00-09.00, nuk ka pasur energji elektrike në disa zona të Tiranës, si “Misto Mame”, Kombinat, Yzberisht, dhe fshatrat përreth, Vaqarr, Ndroq e Arbanë.
“Kufizimi vjen për shkak të punimeve që po kryen OST-ja në linjat 220 kv të Komanit”, sqaron OSSH-ja.
Ndërkaq, probleme ka pasur edhe në veri të vendit, konkretisht në Bajram Curri, ku për shkak të një defekti në rrjet kanë mbetur pa drita rreth 40 mijë banorë.
Kufizimet do të vijojnë kryesisht gjatë ditës deri në zgjidhjen e defektit.
Një javë më parë, Operatori i Sistemit të Transmetimit deklaroi se për 9 ditë me radhë nga 11 qershori deri më 20 qershor do të reduktonte energjinë elektrike për shkak se do të kryejë punime, të planifikuara, në linjat e interkonjeksionit Tiranë-Elbasan-Podgorice dhe në atë të nënstacionit Tirana 2.
b.a/NOA
