Afrikë e Jugut, 18 Qershor NOA - Spanjollët pas humbjes së pësuar ndaj Zvicrës, duket se kanë gjetur fajtorin e vërtetë të kësaj sfide dhe bëhet fjalë pikërisht për portierin e tyre Iker Casillas.
Sipas tyre numri një i portës së Realit ka qenë tepër i shpërqendruar dhe kjo si rrjedhojë e jetës së tij sentimentale ku aktualisht është i fejuar me gazetaren Sara Carbonero.
Ka qenë pikërisht ajo, sipas shtypit spanjoll, që ka shpërqendruar portierin dhe kjo në momentet më të rëndësishme të garës.
Vihet re se dhe në momentin e golit, ku një pjesë e fajit bie dhe mbi Casillas, i cili sipas disa shokëve të skuadrës që në momentin kur është dashuruar pas Sarës nuk është më aq i përqendruar në fushën e lojës por jashtë saj.
r.b/NO
