Sport-Botëror/ Regjistrohen Rekordet E Para Në Botërorin E Afrikës Së Jugut
- Kjo është hera e parë që skuadra zonjë e shtëpisë nuk fiton pas dy ndeshjesh në fazën e parë siç bëri Afrika e Jugut-
TIRANË, 17 Qershor /ATSH-Gjergji Mima/ - Edhe pse është ende shpejt, ky botëror ka shënuar disa nga rekordet e veta që vlejnë për t'u përmendur.
Në historinë e botërorëve të futbollit është hera e parë që skuadra zonjë e shtëpisë nuk fiton pas dy ndeshjesh në fazën e parë. Për Afrikën e Jugut vetëm një barazim dhe një humbje, një rekord ndër më të këqijtë mes vendeve që kanë pritur këtë eveniment.
Sulmuesi uruguajan Diego Forlan realizon për herë të parë dy gola dhe Uruguaji fiton një ndeshje të botërorit pas 20 vjetësh. Me humbjen e djeshme Spanja ndërpret një seri prej 12 fitoresh radhazi, të filluara pas gjysmëfinales së Confederations Cup 2009. /s.s./
