Vlorë, 18 qershor, NOA –Shoqata për Autonominë Vendore, e cila ka mbi 100 bashki dhe komuna të drejtuara nga opozita, do të mblidhen sot në Vlorë për të mbajtur një qëndrim në lidhje me zhvillimet e fundit në raportet mes pushtetit lokale dhe atij qëndror.
“Në mënyrë të veçantë, në këtë takim do të diskutohet lidhur me sulmin e fundit të qeverisë Berisha ndaj burimeve të financimit për qeveritë vendore përmes bllokimit të pagesave për këto qeveri duke përdorur degët e Thesarit të Shtetit. Në përfundim të takimit, anëtarët e Shoqatës do të dalin me një deklaratë publike për të protestuar këta akt arbitrar të qeverisë Berisha dhe për të informuar publikun lidhur me hapat që do të ndërmarrin kundër këtij akti”, thuhet në njoftimin e Shoqatës për Autonominë Vendore.
Sipas drejtuesve të shoqatës n këtë takim do të diskutohet mbi problemet që janë krijuar për bashkitë dhe komunat “për shkak të agresionit politik të qeverisë Berisha ndaj bashkive të opozitës në këta vitet e fundit, agresion që përfshin kufizimin e tarifave, uljen e garantit për qeveritë vendore, uljen e të ardhurave nga legalizimet, mohimin e të drejtës së qeverive vendore për të marrë kredi, si dhe pengesën e financimeve për qeveritë vendore të parashikuara nga donatorë strategjikë”.
Sipas tyre kjo situatë bëhet më e rëndë në kontekstin e krizës ekonomike.
m.xh/NOA
