Ps:Ekonomia E Vendit Është Tkurrur
TIRANË, 19 Qershor/ATSH/.- Partia Socialiste reagoi sërish sot për situatën ekonomike në vend, duke deklaruar se"ka një tkurrje të prekshme të ekonomisë në vend".
"Të ardhurat nga tatimi mbi vlerën e shtuar (TVSH) kanë rënë 6% nga parashikimi, të ardhurat nga 'Tatim Fitimi' kanë rënë 9%, ndërsa të ardhurat nga 'tatimi mbi të ardhurat personale" janë -12%, që shpalos ulje të nivelit të punësimit ose një alarm të papunësisë në rritje" tha në një deklaratë për shtyp nënsekretari për Programin në PS, Ervin Bushati.
Sipas shifrave të deklaruara sot nga PS, deri në Maj, qeveria ka dhëne 0 lekë shpenzime për kompensime në vlerë të pronarëve, 0 leke kompensim për ish-të përndjekurit politik dhe 0 lekë kompensim për energjinë.
Bushati tha se "qeveria Berisha duhet të kishte paguar gjithsej mbi 1.1 miliardë lekë, ndaj të tre kategorive të mësipërme, kjo vetëm në 5 muajt e parë të 2010-s". /a.s//n.m/
