Kinë - Përmbytjet Shkaktojnë 132 Viktima
PEKIN, 20 qershor /ATSH-ANSA/ - Përmbytjet e shkaktuara nga shirat e rrëmbyeshëm që prej një jave kanë përfshirë Kinën jugore kanë shkaktuar 132 viktima, sipas një bilanci të ri njoftuar sot nga media zyrtare kineze.
Shërbimet meteorologjike parashikuan sot ende vranësira me reshje shiu.
Ndërkohë 86 persona rezultojnë të humbur pas përmbytjeve dhe rrëshqitjeve të tokës, ndërsa më shumë se një milionë banorë janë evakuuar, njoftoi televizioni shtetëror. Bilanci i fundit ishte njoftuar të shtunën, me 88 të vdekur.
/e.v/
