Varshavë, 20 qershor, NOA - Në Poloni do të zgjidhet sot president i ri. Rreth dy muaj pas vdekjes së presidentit Lech Kaczynski, në një tragjedi me avion në Rusi, këtë të dielë konkurrojnë dhjetë kandidatë për pasardhësin e tij.
Por shanset për këtë post i ka vetëm kryetari liberal i Parlamentit Bronislaw Komorowski dhe vëllai binjak i presidentit të vdekur, Jaroslaw Kaszynski.
Të ftuar në këto zgjedhje janë më shumë se 30 milionë polakë. Në se në zgjedhjet e sotme asnjë kandidat nuk arrin qysh në raundin e parë të fitojë shumicën absolute të votave, atëherë do të zhvillohet raundi i dytë më 4 korrik.
Popullariteti më i madh ka qenë për vëllain e Presidentit të vdekur. Nga një sërë analistësh kjo gjë është parë si e rrezikshme. Kaszynski mund të marrë mbështetje masive popullore, thonë analistët, por kjo është një lloj keqardhje e polakëve dhe jo një zgjedhjeve reale politike.
Nga ana tjetër karriera e Jaroslav Kaszynski, gjatë kohës që ka qenë kryeministër ka pasur shumë ulje ngritje në marrëdhëniet e ekzekutivit me biznesin.
m.xh/.NOA
