Kirgistan - Shkëmbim Zjarri Pranë Qytetit Osh, Dy Të Vdekur 17 Të Plagosur
MOSKË, 21 qershor /ATSH-ANSA/ - Të paktën dy persona kanë humbur jetën dhe 17 mbetën të plagosur në një fshat pranë qytetit Osh të Kirgistanit, banuar nga uzbekët, njoftoi agjencia ruse e lajmeve Interfax, duke cituar një nga eksponentët e organizatës Human Rights Watch që ndodhet në vendngjarje, Anna Neystat.
Një operacion i forcave kirgize në fshatin Nariman u zhvillua mëngjesin e sotëm për të hequr disa barrikada dhe për ta bindur popullsinë vendase të dorëzojë armët, deklaroi Neystat. Por sipas saj, "njerëzit u rrahën dhe situata degradoi". Sipas disa dëshmitarëve të tjerë, banorët e fshatit rezistuan me armë duke shkaktuar edhe një përleshje të armatosur.
/e.v/
