Brazil - Mot I Keq: Më Tepër Se 1 000 Të Zhdukur Nga Përmbytjet
BRAZILIA, 22 qershor /ATSH-AFP/ - Më tepër se një mijë persona konsiderohen të zhukur pas shirave të rrëmbyeshëm që ranë në verilindje të Brazilit, njoftoi sot guvernatori i shtetit në Alagoas, Teotonio Vilela Filho, i cituar nga agjencia zyrtare Brasil.
Disa shifra zyrtare të komunikuara më parë nga Mbrojtja civile kanë përmendur 32 të vdekur në Alagoas dhe Pernambuc dhe 40 000 personave u janë shkatërruar shtëpitë, ndërsa 65 000 të tjerë janë detyruar të evakuohen.
Disa fshatra në breg të lumit Mundau janë fshirë nga harta dhe disa të tjera janë izoluar për shkak të vërshimit të lumenjve, njoftuan skuadrat e shpëtimit.
Presidenti Luiz Inacio Lula da Sila njoftoi zhbllokimin e fondeve federale për të ndihmuar mijëra persona të cilët kanë humbur tërësisht ose pjesërisht pronat për shkak të këtyre përmbytjeve.
/I.Pu.
