Bruksel, 22 qershor, NOA – Në pritje të dhënies së mendimit këshillues nga Gjykata Ndërkombëtare e Hagës, dhe pas deklaratave të Beogradit se s’do ta njohin kurrë statusin e Kosovës, përfaqësuesi i Bashkimit Evropian në Kosovë, Piter Feith, ka vlerësuar sot në Bruksel se “mendimi i Gjykatës Ndërkombëtare të Drejtësisë mbi ligjshmërinë e shpalljes së pavarësisë së Kosovës, mund të sjellë kontakte më të mëdha ndërmjet Prishtinës dhe Beogradit”.
Feith, deklaroi ndër të tjera se autoritetet e larta të Kosovës, nuk pranojnë kurrësesi diskutime mbi statusin apo prekjen e integritetit territorial të Kosovës.
“Kosova është sfidë evropiane dhe Bashkimi Evropian i ka të gjitha mundësitë që të sigurojë rrugën e Kosovës drejt integrimit në Evropë”, nënvizoi përfaqësuesi i BE-së, në Kosovë, Piter Feith.
Ndaj sipas tij, konkluzioni, në të cilin do të dalë Gjykata Ndërkombëtare e Drejtësisë, duhet parë si hapje e dialogut mbi çështjet me interest të përbashkët mes Kosovës dhe Bogradit”, theksoi Feith në një takim me parlamentarët evropianë.
mit/NOA
