Hungari - Opozita: Orban Kërkon T'I Mbyllë Gojën Medias
BUDAPEST, 22 qershor /ATSH-AFP/ - Opozita parlamentare hungareze akuzoi sot qeverinë e re konservatore të Viktor Orban se kishte tentuar t'i mbyllë gojën medias publike me një sërë modifikimesh të ligjeve mbi funksionimin e televizioneve dhe radios shtetërore.
Qeveria e zgjedhur në muajin prill kërkon të rigrupojë në të njëjtin entitet televizionin kombëtar MTV, radion kombëtare MR, si dhe televizionin satelitor ''Duna TV'' dhe agjencinë e lajmeve MTI. Shefi i këtij entiteti do të emërohet direkt nga kryeministri, si kreu i autoritetit të ri të rregullimit të sektorit.
''Qeveria kërkon të bëjë më transparente dhe më efikase median publike'', theksoi zëdhënësja Anna Nagy duke nënvizuar se legjislacioni në fuqi është vjetëruar./
/ec/ a.jor.
