Librazhd, 22 qershor, NOA – Policia e Elbasanit ka hedhur në pranga, mbrëmjen e 21 qershorit, 34 vjeçarin Arben Xhevahir Rira, i shpallur në kërkim për plagosjen e një shtetasi.
Ndalimi i shtetasit Arben Rira, banues në fshatin Rrajcë, të Librazhdit, u bë sot në mesditë, për shkak se në një lokal, në zonën Përrenjas – Librazhd ka qëlluar me armë drejt shtetasit 45 vjeçar me iniciale A.C, banues në fshatin Karkavec, të Qukësit në Librazhd, i cili punonte në këtë lokal.
Ngjarja ka ndodhur në një lokal që ishte në pronësi të të shtetasit A.V, 45 vjeç.
Sipas burimeve nga policia e qarkut, Arben Rira kishte qëlluar për motive të dobëta punonjësin e lokalit, A.C, i cili menjëherë u dërgua në Spitalin Kirurgjik Elbasan, por për arsye të gjendjes tejet të rënduar shëndetësore mjekët e Elbasanit e kanë dërguar në Spitalin Ushtarak në Tiranë, ku i dëmtuari është jashtë rrezikut për jetën.
Policia e qarkut të Elbasanit, hetoi vendngjarjen dhe ka sekuestruar si provë për akuzën ndaj të kërkuarit Arben Rira, katër gëzhoja fishekësh pistolete.
Ndaj Arben Xhevahir Rirës Prokuroria e Elbasanit ka ngritur akuzën për veprën penale të vrasjes me dashje, me paramendim e mbetur në tentativë.
mit/NOA
