Shba - Mcchrystal Mbërrin Në Pentagon, Shtëpia E Bardhë Shqyrton Pasuesit
NJU JORK, 23 qershor /ATSH-ANSA/ - Shtëpia e Bardhë i ka kërkuar Pentagonit një listë me pasues të mundshëm në rastin e shkarkimit nga detyra të gjeneralit Stanley McChrystal nga komanda e trupave të SHBA-së dhe NATO-s në Afganistan, njofton CNN.
Ndërkohë gjenerali ka mbërritur në Pentagon ku do të ketë një takim me Robert Gates dhe me kreun e shtabit të përgjithshëm, admirali Mike Mullen. Pas këtyre takimeve McChrystal do të takohet me presidentin Barak Obama në Shtëpinë e Bardhë.
Pas bisedimit me presidentin, McChrystal do të marrë pjesë në një mbledhje në "Situation Room" të Shtëpisë së Bardhë me Obamën dhe anëtarët e Këshillit të Luftës që përfshin shumë anëtarë të administratës që u fyen nga deklaratat e gjeneralit për revistën "Rolling Stone".
Kjo mbledhje është në program të zhvillohet në orën 11:35 (me orën lokale).
/e.v/
