Kuvend/Debate Mes Deputetëve Tahiri Dhe Dule
TIRANË, 24 Qershor/ATSH/.- Deputeti i Partisë Drejtësi dhe Unitet (PDU), Dashamir Tahiri, debatoi sot ashpër në Kuvend me deputetin e Partisë Bashkimi për të Drejtat e Njeriut, (PBDNJ), Vangjel Dule, pasi ky i fundit nuk u ngrit në këmbë kur parlamenti mbajti një minutë heshtje në nderim të viktimave të genocidit ndaj popullsisë çame.
Ndaj këtij qëndrimi reagoi ashpër deputeti Tahiri, të cilit më pas Dule iu përgjigj duke thënë se sjellja e tij është personale.
"Qëndrimi i im është pjese e zgjedhjes dhe bindjeve të mia dhe këtë nuk mund ta diskutoj me askënd", komentoi shkurt kryetari i PBDNJ-së, Dule.
Përplasja dhe replikat mes dy deputetëve e detyruan drejtuesin e Kuvendit të ndërpresë për pak minuta punimet e Kuvendit./a.s//a.ke/
