Kajro, 24 Qershor, NOA – Njollat e naftës janë rishfaqur sërish në Detin e Kuq, duke e bërë Egjiptin të mendojë seriozisht se po përballet me një krizë të ngjashme si të Shteteve të Bashkuara të Amerikës sa i përket derdhjes së naftës në det.
Ndërsa në Detin e Kuq janë paraqitur njolla nafte për shkak të dëmtimeve në puse para pak ditësh dhe ekspertët nuk e paraqitën si një gjë alarmante, kjo dukuri është rishfaqur.
Mediat vendase bëjnë me dijeni se njollat e naftës janë shpërndarë rreth 20 kilometra përgjatë bregdetit të qendrës Hurgade, që njihet për plazhet me rërë të bardhë dhe me hotelet luksoze.
Zëdhënësi i qeverisë tha se sasia e naftës së rrjedhur është “e kufizuar”, por nuk përcaktoi sa është ajo.
Gjithsesi, ai sqaroi se derdhja ishte regjistruar javën e kaluar dhe se kryesisht është mbledhur, pa dhënë alarmin për ndonjë katastrofë si ajo e Gjirit të Meksikës.
n.e/NOA
