Sport-Botëror/ Grupi F, Parguajt I Mjafton Barazimi Me Zelandën E Re
TIRANË, 24 Qershor /ATSH- Gjergji Mima/ - Paraguajt i ka mjaftuar një barazim 0-0 në Polokuane, ndaj Zelandës së Re, për t'u kualifikuar si e para në grupin F me 5 pikë.
Një kualifikim i merituar ky për amerikanojugorët, që më parë kishin fituar 2-0 me Sllovakinë (e dyta me 4 pikë) dhe kishin barazuar 1-1 me Italinë.
Pas një pjese të parë me ritëm të ulët, por nën kontrollin e paraguajanëve, fraksioni i dytë i lojë merr më tepër ritëm, por neozelandezët megjithëse kanë pasur dy raste për shënim nuk mundën të bënin mrekullinë në këtë Botëror, duke u larguar gjithsesi me nder pas 2 barazimeve ndaj Sllovakisë (1-1) dhe Italisë (1-1).
Tashmë, Paraguaj do të presë në fazën tjetër skuadrën që do të kualifkohet e dyta në grupin E, ku bëjnë pjesë Holanda, Danimarka, Japonia dhe Kameruni.
Grupi F
Paraguai - Zelanda e Re 0-0
Paraguai (4-3-3): Villar; Caniza, J. C. Caceres, Da Silva, Morel; Vera, V. Caceres, Riveros; Santa Cruz, Cardozo (Barrios), Valdez (Benitez). Trajner: Martino.
Zelanda e Re (3-4-3): Paston; Reid, Nelsen, Smith; Vicelich, Bertos, Elliott, Lochhead; Fallon, Smeltz, Killen (Brockie). Trajner: Riki Herbert.
/s.s./
