Histori - Në 60-Vjetorin E Luftës Së Koreve Seuli I Kërkon Phenianit T'I Japë Fund Provokimeve
SEUL, 25 qershor /ATSH-AFP/ - Presidenti koreanojugor, Lee Myung-Bak i kërkoi sot Koresë së Veriut të ndërpresë provokimet ushtarake të papërgjegjshme ndërkohë që dy vendet përkujtojnë 60-vjetorin e shpërthimit të Luftës të Koreve (1950-53).
Pas 60 vjetëve, gadishulli vazhdon të jetë i ndarë nga një kufi me forca të shumta ushtarake ndërkohë që tensionet janë rritur pas mbytjes së një anijeje koreanojugore nga ushtria koreanoveriore.
Gjatë një ceremonie që u zhvillua Seul ku morën pjesë ish-luftëtarë koreanojugorë dhe të huaj, presidenti Lee deklaroi se objektivi i fundit i Koresë së Jugut nuk është një konfrontim ushtarak, por një ribashkim në paqe.
Ai i kërkoi Koresë së Veriut të kërkojë ndjesë pas mbytjes së anijes ''Cheonan''.
Presidenti Lee i kërkoi gjithashtu Koresë së Veriut të ndërpresë provokimet ushtarake të papërgjegjshme dhe të angazhohet që 70 milionë koreano të jetojnë së bashku./
/ec/ a.jor.
