Sport-Botëror/ Bregu I Fildishtë, Fitore Pa Vlerë Përballë Koresë Së Veriut
T
TIRANË, 25 Qershor /ATSH- Gjergji Mima/ - Bregut të Fildishtë nuk i ka mjaftuar fitorja 3-0 përballë Koresë së Veriut për të marrë kualifikimin në grupi G, pasi doli i treti me 4 pikë.
Pas një nisjeje të mirë me dy gola në 20 minuta, me autorë Yaya Toure14' dhe Romariç në të 20-ën, plus dhe shtyllat e Gervinjos dhe Romariçit, skuadra e drejtuar nga suedezi Sven Goran Erikson uli ritmin me kalimin e minutave duke mos arritur të gjejë atë goleadë të nevojshme për t'u kualifkuar, nëse Brazili do të mposhte Portugalinë.
Goli tretë i Kalou në minutën e 81-të erdhi tepër vonë, por gjithsesi vlejti për t'i dhënë Bregut të Fildishtë një mbyllje me fitore të këtij Botërori.
Ndërkohë që Koreja e Veriut e mbylli aventurën e saj në "Afrika e Jugut 2010" me 3 humbje, duke pësuar 12 gola dhe duke shënuar vetëm 1.
Grupi G
Koreja e Veriut - Bregu i Fildishtë 0-3
Shënues: Yaya Tourè 14', Romariç 20', Kalou 81
Koreja e Veriut (5-4-1): Ri Myong Guk; Cha Jong Hyok, Pak Chol Jin, Pak Nam Chol, Pak Nam Chol II, Mun In Guk (Choe Hyok); Ri Jun Il, Ju Yun Nam, An Yong Hak, Hong Yong Jo; Jong Tae Se Trajner: Kim Jong Hun.
Bregu i Fildishtë (4-4-2): Barry; Eboue, Kolo Tourè, Zokora, Boka; Keita (Dindane), Yaya Tourè, Tiotè, Romaric (Doumbia); Gervinho (Kalou), Drogba.Trajner: Sven Goran Eriksson. /a.ke/
