Afganistan - Eliminohet Një Komandant Taleban, Ishte Veshur Si Grua
ROMË, 26 qershor /ATSH-ANSA/ - Komandanti i talebanëve në provincën veriore të Logarit, në Afganistan, u eliminua dje nga forcat e sigurisë ndërsa ishte veshur me rroba femërore për t'i shpëtuar kapjes, njoftoi sot ISAF me anë të një komunikate.
Komandanti, Ghulam Sakhi, ishte fshehur pranë fshatit Qal-eh Saber, në distriktin Pul-e 'Alam, kur gjatë një aksioni të përbashkët të ushtrisë afgane dhe forcave ndërkombëtare solli identifikimin e tij.
Ushtarët i bën thirrje fëmijëve dhe grave të dilnin nga një ndërtesë që ishte rrethuar. Sakhi doli i veshur me rroba femërore së bashku me gratë e tjera. Por më pas nxori një pistoletë dhe hodhi një granatë dore drejt ushtarëve, të cilët iu përgjigjën me zjarr duke e vrarë në vend. Shpërthimi i granatës shkaktoi plagosjen e një gruaje dhe dy fëmijëve.
Sakhi, i njohur me shumë nofka, ishte një nga protagonistët e sulmeve me bomba artizanale (ied - pajisje shpërthyese e improvizuar) të cilat kanë shkaktuar me qindra viktima, në sulme me armë zjarri dhe në organizimin e pritave. Ai konsiderohej përgjegjës për rrëmbimin dhe vrasjen e një drejtuesi të lartë të sigurisë afgane.
/e.v/
