G8 - Zhbllokohen Pesë Miliardë Dollarë Për Shëndetin E Nënës Dhe Fëmijës
HUNTSVILLE (Kanada), 26 qershor /ATSH-AFP/ - Liderët e disa vendeve të G8-s të mbledhur në Kanada njoftuan dhënien e kontributeve që arritën në pesë miliardë dollarë në favor të shëndetit të nënës dhe fëmijës në vendet në zhvillim.
Ky fond i quajtur "Iniciativa Muskoka", nga emri i rajonit kanadez ku po zhvillohet samiti i G8-s, u mbështet me forcë nga Otava, por shuma e vogël e zhbllokuar u denoncua nga disa OJQ.
"Shembulli i treguar nga drejtuesit e G8-s solli dhënien e ndihmave dhe kontributeve nga vende të tjera jo anëtare të grupit dhe nga fondacione për më tepër se 2,3 miliardë, gjë që çoi në mbledhjen e 7,3 miliardëve", njoftoi në një konferencë shtypi kryeministri kanadez Stephen Harper.
Ai falenderoi kontribuest e G8-s si dhe Holandën, Zelandën e Re, Korenë e Jugut, Spanjën, Zvicrën, fondacionin Gates dhe Fondacionin e Kombeve të Bashkuara, pa dhënë hollësi për pjesëmarrjen e tyre përkatëse.
Fondacioni i Bill dhe Melinda Gates premtoi 1,5 miliardë dollarë.
Rusia do të japë 75 milionë dollarë brenda tre vjetëve, njofton kreu i delegacionit të Moskës, Arkadi Dvorkoviç.
/I.Pu.
