Johanesburg, 28 Qershor, NOA – Ndërsa dita e djeshme ka dhuruar spektakël dhe emocione të forta në stadiumet afrikano-jugore në ndeshjet kualifikuese Gjermani-Angli dhe Argjentinë-Meksikë, edhe dita e sotme pritet të jetë po aq e ndjeshme sa i përket rezultatit të fitores së ekipeve vijuese.
E kjo, pasi sot ndeshen katër ekipe pretenduese për kualifikim dhe që kanë treguar kurajo dhe cilësi në ndeshjet eliminatore të fazë së parë të kampionatit botëror “Afrika e Jugut 2010”.
Kështu, sot pritet sfida mes dysheve Holandë-Sllovaki dhe Brazil-Kili, ku ndeshja e dy kombëtareve evropiane fillon në orën 16.00, ndërsa dy ekipet e Amerikës Latine luajnë në orën 20.30.
Ndërsa katër çerek-finalistët e parë janë Uruguaji, Gana, Gjermania dhe Argjentina, pritet që sot të përcaktohen edhe dy ekipet e tjera çerek-finaliste, të cilat do të kombinohen për të qenë përballë tyre në ndeshjet e radhës drejt gjysëm-finaleve të kampionatit botëror “Afrika e Jugut 2010”.
n.e/NOA
