Elbasan, 28 qershor 2010 NOA – Një djalë i ri u arrestua nga policia e Elbasanit nën akuzën e dezertimit nga ushtria, kurse vëllai i tij, në shenjë hakmarrjeje sot ka terrorizuar banorë dhe udhëtarë në rrugën nacionale Elbasan-Cërrik duke kryer grabitje të armatosur.
Korrespondenti i agjencisë NOA raporton se 30-vjeçari Eduard Avdiaj, me banim në lagjen e “Çamëve” në Elbasan, është autor i krijimit të panikut dhe kryerjes së grabitjes ndaj një familjeje të cilës i mori me dhunë një shumë prej afro 250 eurosh që kishin me vete, ndërsa po përshkonin aksin rrugor nacional.
Nga hetimet doli se i dyshuari Avdiaj ka ndalur makinën ku gjendeshin burrë e grua dhe dy fëmijë të tyre dhe k ka terrorizuar udhëtarët duke shtier me breshëri Kallashnikovi në ajër.
Më tej ka proceduar duke grabitur paratë dhe pasi i ka lënë të ikin pjesëtarët e familjes së plaçkitur, është fshehur në pyllin aty pranë.
Policia e sinjalizuar për ngjarjen, është vënë në kërkim të autorit të dyshuar Eduard Avdia por ende nuk është kapur.
Policia tha zyrtarisht se duart i dyshuari Eduard Avdiaj ka qëlluar në ajër me armën automatike që mbante pa leje, në shenjë hakmarrjeje për shkak të arrestimit të vëllait të tij Florind Avdiaj, pak minuta para ngjarjes, nën akuzën e dezertimit nga ushtria.
a.k/r.n/NOA
