Vasili: Tashmë Janë Përgatitur Mbi 80 % E Protokolleve Të Mjekimit
TIRANË, 28 Qershor/ATSH-Eriola Çuko/ - Mbi 80 % e protokolleve të mjekimit janë përgatitur aktualisht, ndërkohë që po punohet me Qendrën Kombëtare të Cilësisë, Sigurisë dhe Akreditimit të Institucioneve, për t'i standartizuar në mënyrë përfundimtare.
Sipas ministrit të Shëndetësisë, Petrit Vasili, synimi është realizimi i këtij objektivi brenda vitit. Ndërkohë, paralelisht me këtë po punojnë dhe grupet e përllogaritjes së kostos së shërbimeve shëndetësore. "Protokollet e mjekimit dhe kostoja e shërbimeve shëndetësore janë një mungesë shumë e gjatë në sistemin shëndetësor", tha Vasili në Komisionin Parlamentar të Punës, Cështjeve Sociale dhe Shëndetësisë.
Ndërsa vuri në dukje punën e madhe të bërë deri më tani, ai përgëzoi mjekët që kanë punuar në këtë drejtim. /a.ke/
