Afrikë e Jugut, 30 qershor 2010 NOA/ I plotë/ Rid Bulku – Presidenti i FIFA-s, Joseph Blatter, pas aprovimit për herë të parë për përdorimin e teknologjisë në fushat e lojës, ka kërkuar falje në drejtim të skuadrave përfaqësuese të Anglisë dhe Meksikës, në lidhje me ato gabime mjaft të dukshme të arbitrave të cilat ndikuan së tepërmi në ndeshjet e një të tetave ku dy skuadrat e sipërpërmendura u përballën me Gjermaninë dhe Argjentinën.
Presidenti i FIFA-s tha se është tepër e nevojshme diçka e re dhe përdorimi i teknologjisë dhe në veçanti në vijën fatale të portës do të jetë në vëmendjen e federatës ndërkombëtare në muajin korrik në Kardif.
“Është tepër e qartë se pas përvojës së këtij botërori do të ishte një marrëzi që të mos rihapen dosjet dhe kjo në lidhje me vendosjen e teknologjisë, sidomos në vijën fatale të portës”, - këto ishin fjalët e Blatter në lidhje me gabimet që janë bërë nga gjyqtarët dhe kanë ndikuar së tepërmi në mbarëvajtjen e ndeshjeve.
r.b/NOA
