Shkup, 1 korrik, NOA – 15 vjet pas rrëmbimit të tij në rrugën “Siri Kodra” në Tiranë dhe zhdukjes së tij gjykata e Krimeve të Rënda të Maqedonisë e ka shpallur të vdekur biznesmenin maqedonas Remzi Hoxha.
Prokurori i çështjes, Xhevat Hana, paraqiti shpalljen e vendimit si të vdekur nga gjykata e Shkupit, në seancën e djeshme të gjyqit ndaj tre të akuzuarëve, ish oficerëve të lartë të SHIK-ut, për rrëmbimin, torturimin dhe zhdukjen e bisnesment, pikërisht Arben Sefgjini, Ilir Kumbaro dhe Avni Koldashi, duke kërkuar që ajo t’i shtohej dosjes së gjykimit.
Gjyqtarët e çështjes e pasi janë konsultuar kanë marrë vendimin që t’i drejtohen me një letërporosi gjykatës së Shkupit, për të marrë vendimin për shpalljen të vdekur të biznesmenit Remzi Hoxha.Vetë familjarët e Remzi Hoxhës i janë drejtuar gjykatës maqedonase për shpalljen të vdekur të familjarit të tyre të zhdukur prej 15 vitesh.
Vendimi për shpalljen të vdekur të Remzi Hoxhës, mbështet kështu edhe akuzat e prokurorëve të çështjes se ish shkasit, Arben Sefgjini, Ilir Kumbaro dhe Avni Koldashi kanë rrëmbyer, torturuar për vdekje biznesmenin maqedonas Remzi Hoxha.
mit/NOA
