Rezultatet E Matematikës, 3288 Nxënës Jo Kalues
TIRANË, 1 Korrik/ATSH/- Niveli në përqindje i maturantëve kalues me nota të mira dhe atyre që nuk janë vlerësuar kalues, në provimin e detyruar të matematikës të Maturës Shtetëore, rezulton thuajse i njëjtë.
Sipas Minsitrisë së Arsimit dhe Shkencës, në provimin e zhvilluar me 15 qershor, 8,88% e maturantëve janë vlerësuar me notën 9 dhe10, ndërsa numri i nxënësve që nuk u vlerësuan kalues është 3288, ose 8,86 % e maturantëve.
Korrigjimi i testeve u krye në 4 qendra kombëtare vlerësimi, përkatësisht në Tiranë, Elbasan, Fier dhe Shkodër.
MASH vlerëson se korrigjimi i dyfishtë, si element i ri i këtij procesi ishte rigoroz.
Në këtë provim morën pjesë 37115 nxënës në të gjithë vendin./e.gj/k.sh/
