Soft News - Shba - 750 Milionë... Dollarë Për Një Divorc!
UASHINGTON, 1 korrik /ATSH-MIA/ - Bashkëshortja më e tradhëtuar e globit, ajo e asit të golfit Tiger Woods ka arritur t'i marrë kampionit amerikan një shifër rekord prej 750 milionë dollarësh.
E lexuat shumë mirë! Kjo shumë marramendëse është në marrëveshjen e divorcit mes Elin Nordegrenit dhe Woodsit.
Me këtë shumë parash, Elin duhet të ngushëllohet për tradhëtitë e panumërta që i kishte bërë bashkëshorti i saj, të cilin e adhuronte.
Në marrëveshjen e divorcit, që do të ratifikohet javën e ardhshme, parashikohet që fëmijët e çiftit, Sam dhe Charlie të mos e takojnë të atin kur ky ndodhet në shoqërinë e një gruaje tjetër, përvec rastit nëse Tiger Woods vendos të martohet sërish./
a.jor.
