Rrethet- Kronika- Shkurt
Arrestohet një person, ndihmonte për kalim të paligjshëm të kufirit
DEVOLL - Policia arrestoi të premten një person të dyshuar për dhënie ndihme për kalimin e paligjshëm të kufirit.
Sipas burimeve nga policia e pikës kufitare të Kapshticës, policia arrestoi shtetasin Kamber Vishaj, 47 vjeç, nga Kamëza, Tiranë, pasi u kap duke kaluar në Greqi dy persona kundrejt një shpërblimi prej 500 euro për secilin.
Për këtë vepër, Kodi Penal parashikon nga tre, deri gjashtë vjet burg./b.fejzulla/ch/
* Ndalohet një person, lëvizte me makinë të vjedhur
KUKËS - Një person që lëvizte me një makinë të vjedhur u ndalua mbrëmë nga polcia, bëri të ditur policia lokale të premten.
Sipas policisë, gjatë kontrollit në doganën e Morinit, makina BMV, ne targa DC DC 180 VN, me të cilën lëvizte Luan Biberaj, 33 vjeç, nga Tirana, rezultoi e vjedhur kohë më parë në Itali.
Sipas të njëjtave burime, në doganën e Morinit, në gjysmën e parë të këtij viti janë ndaluar 4 persona të dyshuar për vjedhje të makinave në vende të ndryshme të Europës./r.hoxha/ch/
