Futboll/Botërori 2010 - Merkel: U Realizua Një Ëndërr E Mahnitshme
LE CAP (Afrikë e Jugut), 3 korrik /ATSH-AFP/ - Kancelarja gjermane, Angela Merkel i cilësoi fitoren e sotme çerekfinale të përfaqësueses gjermane të futbollit, ndaj asaj argjentinase 4-0, të Jashtëzakonshme dhe u shpreh se kjo ishte ''vërtet një ëndërr''.
"Ishte gjithshka plotësisht e jashtëzakonshme, pak a shumë si një ëndërr, thjeshtë një ëndërr", u shpreh kancelarja për televizionin publik gjerman ZDF nga Cap, ku ajo ndoqi përgjatë gjithë ndeshjes fitoren e ekipit të drejtuar nga Joachim Löw kundrejt ekipit të drejtuar nga Diego Maradona.
Gjermania u kualifikua për gjysmëfinalet e kampionatit botëror të futbollit pas kësaj fitoreje.
"Ishte një ekip i përbërë nga të rinj, një ekip që shfaqi qetësi dhe që diti të rrëmbejë mundësitë, gjatë gjithë kohës isha plotësisht e entuziazmuar", u shpreh Merkel.
"Ekipi përfaqësues i Gjermanisë arriti diçka të mrekullueshme sot në fushë, ishte mahnitëse", vazhdoi kancelarja Angela Merkel./
/i.p/
